ලිතුවේනියාව මෙවර ඔලිම්පික් උළෙලේ පළමු රන් පදක්කම දිනා ගැනීමට සමත් විය. එම රන් පදක්කම හිමිකර දෙනු ලැබුවේ, 15 හැවිරි පිහිනුම් ක්‍රීඩිකා රූටා මෙලඌටී විසිනි.
ඇය මීටර් 100 ලයආර ඉසව්ව මිනිත්තුවයි තත්ත්පර 5.47කින් නිම කරමින් සිය දක්ෂතාව ප්‍රදර්ශනය කළාය.
එහි දෙවැනි ස්ථානය අමෙරිකාවේ සෝනි රොබෙකාට හිමි වූ අතර තෙවැනි ස්ථානය ජපානයේ සතොමි සුසුකිට හිමි වූහ.
ඊට අමතරව කිලෝ ග්‍රෑම් 73 බර පන්තිය යටතේ පිරිමි ජූඩෝ රන් පදක්කම දිනා ගැනීමට රුසියාවේ මන්සූර් ඉසෙව් සමත් විය.
ජපානයේ රිකී නකයා එහි රිදී පදක්කමට හිමිකම් කී අතර මොංගෝලියාවේ නියාර් ඔචියි හා ප්‍රංශයේ උගො ලෙගාර්ඩ් ලෝකඩ පදක්කමට හිමි කම් කීහ.
මේ අතර කිලෝ ග්‍රෑම් 57 බර පන්තිය යටතේ කාන්තා ජූඩෝ ඉසව්වේ රන් පදක්කම දිනා ගැනීමට ජපානයේ කඔරි මත්සුමොතො සමත් වූවාය.
රිදී පදක්කම රුමේනියාවේ ක රිනා කැප්‍රිරිටත් , ලෝකඩ පදක්කම අමෙරිකාවේ මාර්ටින් මලෝයිත් හා ප්‍රංශයේ ඇන්ටෝමෙන් පව්ලාත් දිනා ගත්හ.
No comments:
Post a Comment