වී ගියේය. යළිත් අචලා ගැන පුවතක් අසන්නට ලැබුනේ මැයි 31වැනිදා
උදයේ ගුවන් විදුලි නාලිකාවක් ඔස්සේ විසුරුවා හරින ලද ප්‍රවෘත්ති
වැඩසටහනකින්ය.එහි එක් පුවතකින් රටට අනාවරණය වූයේ මේ රටේ පතාක යෝධයන් සේ
වෙස්ගත් දේශපාලනඥයින් විසින් අචලාට ලබාදුන්
පොරොන්දු සියල්ල පුස්වෙඩි බවට පත්වී තිබෙන බවයි. ඒ පුස්වෙඩි , මල්වෙඩි
මෙන් දුටු ජනතාව දේශපාලනඥයින්ගේ මනුස්සකම් ගැන එදා තුටු සිතින් කතා කළා අද
මෙන් මතකය. නමුත් මෙම පුවත විකාශය වීමත් සමග ජනතාව යළි පියවි සිහිය ලබන්නට
ඇත. ඔවුන්ගේ ‘නෙත්’ ඇරී "අනේ මේ වගේ කරුමක්කාර දේශපාලකයෝ"යැයි මුමුණන්නට ඇත.අචලා ප්‍රියදර්ශනී මේ රටේ අතිශය වැදගත් මාතෘකාවක් බවට පත් වූයේ රටේ රෝහල් සේවය සහ වෛද්‍ය සේවාව පිළිබඳ විශාල වේදනාවක් ජනතාවගේ හදවත්හී දල්වාලමිනි. සිය මාතර නිවසේ ඉදිරිපස පිහිටි මිදුලේ පඩිපෙළකින් ලිස්සා ඇද වැටුන අචලාගේ වම් අත බිඳී ගියේය.
ඇය නීති සි
සුවියකි.අභ්‍යාස සියල්ල ඈ සටහන් කර ගත්තේ ඒ වම් අතෙනි. මාතර රෝහලට රැගෙන ආ අචලාගේ අතට ගල් ප්ලාස්ටරයක් දැම්මෝය. අනතුරුව ඒ අතට සිදුවන්නේ කුමක්දැයි වෛද්‍යවරුන්ගේ අවධානයට ලක්වූයේ නැත.ගල් ප්ලාස්ටරය ඇතුලේ තිබූ අචලාගේ අත කුණු වී මැරී යන්නට පටන් ගත්තේය. අත දවසින් දවස කුණු වෙමින් මියයන විට ඒ වේදනාවෙන් අචලා මරලතෝනි දී කෑ ගැසුවත් මාතර රෝහලේ අදාළ වාට්ටුවේ සමහර වෛද්‍යවරුන් සහ හෙදියන් ඒ පිළිබඳ එතරම් නොතැකූහ. අන්තිමට ‘වැඩේ’ නරක අතට හැරී තිබෙන බව දුටු රෝහලේ දොස්තරලා, අචලා ගිලන් රියකට දමා කොළඹ ජාතික රෝහලේ හදිසි අනතුරු අංශය වෙත ‘තල්ලුකර’ දැමූහ. ජාතික රෝහලේ දැඩි සත්කාර ඒකකයේ වෛද්‍යවරුන් අචලාට පවසා සිටියේ ජීවිතය බේරා ගන්නට අත කපා දමන්නට සිදුවන බවකි.ඒ අනුව ඇගේ වම් අත කපා දැමූ අතර මේ මහා කණගාටුදායක අවනඩුව පුවත්පත් ඇතුලු සියලු මුද්‍රිත හා විද්‍යුත් ජන මාධ්‍යවල දිගින් දිගටම පළ කරමින් අචලාට සාධාරණයක් ඉටු කරන්නැයි වගකිව යුත්තන්ට බල කළහ.
මෙම සිදුවීමෙන් අනතුරුව ආණ්ඩුවේ වගකිවයුතු ඇමැතිවරු, විපක්ෂයේ පතාකයෝ හැසිරුනේ අචලා බේරා ගන්නට තව්තිසාවෙන් වැඩම කළ දෙවිදේවතාවුන් මෙනි. ආණ්ඩුවේ වගකිවයුතු ඇමැතිවරුන් හා විපක්ෂයේ නායකයෝ "ටෝකන්"ක්‍රමයට මෙන් රෝහල් දැඩි
සත්කාර ඒකකයටත්,
පසුව අචලා රැඳවූ වාට්ටුවටත් දුවන්නට වූහ. අචලාට කෘතීම අතක් ලෝකයේ විවිධ
රටවලින් ගෙන්වා දෙන්නට වහා කටයුතු කරන බව ඔවූහු ‘සුපර් ස්ටාර්ස්’ තරගකරුවන්
මෙන් පැවසූහ. ඔවුන්
මේවා පැවසුවේ අචලාට පමණක් රහසින් නොවේ. රංචු පිටින් තක්කඩි දේශපාලකයෝ
පසුපස ගිය විද්‍යුත් හා මුද්‍රිත මාධ්‍යවලට ය. අනතුරුව අචලාගේ සුවදුක්
විමසමින් ඇයත් සමග මූණිච්චාවට සිනහවන ඡායාරූප ඒ කාලය පුරාවට විද්‍යුත් හා
මුද්‍රිත මාධ්‍ය ඔස්සේ මුලු රටටම පෙන්වා දුන්නේය.තනිකරම එය නාඩගමක් බව පෙනුනේ මැයි 31 (අද) උදේ ප්‍රවෘත්තිවලට සවන් දුන් විටය. එවිට මා ගැන පවා මට ඇතිවූයේ බලවත් ලජ්ජාවකි. මන්ද, අචලාට කෘතීම අතක් ලබා දෙන්නට ආණ්ඩුවේ වගකිවයුතු ඇමැතිවරුන් සහ විපක්ෂයේ නායකයින් පෙරට ආ ආකාරය ගැන ප්‍රශංසා කරමින් ලිපියක් මා විසින් ද ලියූ බැවිනි. නාමල් රාජපක්ෂ චීනෙ ගියේ ඔයාට අතකුත් අරන්ම එන්න තමයි
අචලාගේ කෘතිම අත තවම නෑ අචලාගේ අත කපා දමන්නට 'පාර කැපූ'දොස්තරලාට විරුද්ධව දැඩි පියවර ගන්නා බවට ඒ දිනවල නැගූ හඬට කුමක් වී දැයි මට දැන්
සිතේ.ඒ ගැන සොයන්නට කමිටු පත් කෙරුණි. සෞඛ්‍ය අමාත්‍යංශයේ උසස් නිලධාරීන් මාතර රෝහලට ගියහ. අචලාගේ ඇඳ ඉහපත් 'අත්අඩංගුවට' ගත්හ.
දොස්තරලා කීප දෙනෙක් මෙම සිදුවීමට වගකිවයුතු යැයි ඔප්පු වූ බව පැවසීය. ඒ
ගැන සඳහන් වාර්තාව අමාත්‍යංශයේ ලේකම්වරයාට භාර දුන් බව කීහ. ඉන්පසු
සියල්ලෝම නිහඬ වූහ. ජනමාධ්‍යටද අචලාගේ අත අමතක වී ගියේ රටේ දහසක් ප්‍රශ්න
ගැන දිනපතා ලියන්නට සිදුවූ බැවින්ය. ගහපු පදේකුත් නැත! බෙරේ පලුවකුත් නැත! ඒ
ආකාරයට සැඟවී තිබුණු කතාව යළි කරළියට රැගෙන ආ ‘නෙත්’ප්‍රවෘත්ති සේවයට
ස්තූතිය පළ කරන්නට මම පසුබට නොවෙමි.අපේ රටේ බොහෝ දේශපාලනඥයෝ බලය ලබා ගැනීම , බලය රඳවා තබා ගැනීම සහ ප්‍රසිද්ධිය සඳහා ජනමාධ්‍ය ඉතා අශෝභන ආකාරයට යොදා ගන්නා අයුරු ඉහත සඳහන් සිද්ධියෙන් යළිත් වරක් තහවුරු වෙයි. මොවුන් කියන තරමක් අද කියන්නේ බොරු ය. ඒ බොරුවට ජනතාව රැවටෙති. අත්පොළසන් දෙති. විසිල් ගසති.
මේ ආකාරයට රට පුරා, දවස පුරා වපුරන බොහෝ බොරුවලට ආලවට්ටම් දමා ලියා හෝ කැමරාගත කර පසුදින පුවත්පත් හා විද්‍යුත් මාධ්‍යවල පළ කරන්නට සිදුවී තිබීම සමස්ත පුවත්පත් කලාවේදීන් මුහුණදී තිබෙන අභාග්‍යය යි. ඒ ඉරණමට පිටුපෑ යුතු කාලය කෙමෙන් උදාවෙමින් පවතී. සත්‍ය ගරුක දේශපාලඥයින් පිරිසක් රටට බිහිකර ගැනීමේ දැවැන්ත වගකීමක් ජනමාධ්‍ය වෙත ඇතැයි අචලා ප්‍රියදර්ශනී මෙනවිය අපට නොකියා කියන්නේ එයයි.
No comments:
Post a Comment