මෙවර නිරිත දිග මෝසම් වර්ෂාවේ කැපී පෙනෙන අඩු වීමක් දැකිය හැකි බව කාලගුණවිද්‍යා දෙපාර්තමේනතුව පවසයි.
එහි අධ්‍යක්ෂ ජනරාල් එස්.එච්.කාරියවසම් මහතා පැවසුවේ, නිරිත දිග මෝසමින් මෙවර ලැබී ඇත්තේ අපේක්ෂිත වර්ෂාපතනයෙන් 30% ක් පමණක් බවයි.
විවිධ පාරිසරික බලපෑම් හේතුවෙන් මෙම තත්වය ඇති තිබෙන බව ඔහු පැවසීය.
ඒ හේතුවෙන් ඉදිරි මාස කිහිපයේදීද දිවයිනේ ජල හිඟයට ස්ථිර විසදුමක් නොලැබෙනු ඇති බව කාලගුණ විද්‍යා දෙපාර්තමේන්තුව පැවසීය.
ඒ අතර පවතින වියලි කාලගුණයත් සමග වාරිමාර්ග දෙපාර්තමේන්තුවට අයත් ජලාශවල ජල මට්ටම එහි සමස්ත ධාරිතාවෙන් 26% ක් දක්වා පහත වැටි තිබේ.
වාරිමාර්ග අධ්‍යක්ෂ ජනරාල් භද්‍රා කමලදාස මහත්මිය පැවසුවේ, දෙපාර්තමේන්තුවට අයත් විශාල ප්‍රමාණයේ ජලාශ 71 ක් පවතින බවයි.
එම ජලාශවල අඩුම ජල ධාරිතාව වන 7% වාර්තා වන්නේ කුරුණෑගල දිස්ත්‍රික්කයෙන් බව ද ඇය සඳහන් කළාය.
පුත්තලම දිස්ත්‍රික්කයේ ජලාශවල ජල ධාරිතාව 14% ක් දක්වාත්, පොළොන්නරුව දිස්ත්‍රික්කයේ 15% ක් දක්වාත්, මඩකලපුව දිස්ත්‍රික්කයේ 12% ක් දක්වාත් ජලාශවල ජල මට්ටම් අඩු වී ඇති බව අධ්‍යක්ෂ ජනරාල්වරිය පැවසුවාය.
මීට සමගාමීව දෙපාර්තමේන්තුවට අයත් 350 ක් වන මධ්‍ය පරිමාණ ජලාශවල ජල මට්ටම ද පහළ ගොස් තිබේ.
ඒ අතර මහවැලි ජලාශවල ජල මට්ටම් ද මේ වනවිට ශීඝ්‍රෙයන් අඩු වී ඇති බව ශ්‍රි ලංකා මහවැලි අධිකාරිය පවසයි.
රන්දෙණිගල ජලාශයේ ජල මට්ටම එහි සමස්ත ධාරිතාවෙන් 0.7% දක්වා අඩු වී තිබේ.
වික්ටෝරියා ජලාශය 8.5% ක් දක්වාත්, රන්ටැඹේ ජලාශය 10% ක් දක්වාත් ජල මට්ටම පහත බැස ඇති බව මහවැලි අධිකාරිය සඳහන් කළේය.
No comments:
Post a Comment