පාසල් දරුවන් ඇතුළු 14 දෙනෙකුට තුවාල සිදුකරමින් නිට්ටඹුව, හොරගොල්ල ප්‍රදේශයේ සිදුවූ රිය අනතුරට සම්බන්ධ වෑන් රථයේ සහ බස් රථයේ රියදුරන් අත්අඩංගුවට ගෙන තිබේ.
පොලිසිය පැවසුවේ සිද්ධියෙන් බරපතල තුවාල ලැබු එක් දරුවෙකු මේ වනවිට කොළඹ ජාතික රෝහලේ දැඩි සත්කාර ඒකකයේ ප්‍රතිකාර ලබන බවය.
අද අලුයම 5.35 ට පමණ මෙම අනතුරට මුහුණ දුන්නේ කොළඹ පාසල් කිහිපයකට දරුවන් ගෙන යන පාසල් වෑන් රථයකි.
පොලිසිය පැවසුවේ මාර්ගයේ නියමිත මංතීරුවෙන් පිටත කොළඹ දෙසට ධාවනය කළ වෑන් රථය නිට්ටඹුව දෙසට ධාවනය වූ පෞද්ගලික බස් රථයක ගැටී ඇති බවය.
අනතුරෙන් තුවාල ලැබූවන් ජාතික රෝහලේ සහ වතුපිටිවල රෝහලේ ප්‍රතිකාර ලබති.
වතුපිටිවල රෝහලේ වෛද්‍ය අධිකාරී වෛද්‍ය සිසිර විජේසුන්දර මහතා පැවසුවේ තුවාල ලැබු දසදෙනෙකු කොළඹට මාරු කර යැවූ බවය.
No comments:
Post a Comment