නැගෙනහිර පළාත් සභාවේ ප්‍රධාන අමාත්‍ය ධුරය තම පක්ෂයට ලබාදීම සම්බන්ධයෙන් රජයේ පාර්ශ්වයෙන් මෙතෙක් විවෘත සහතිකයක් ලැබී නොමැති බව ශ්‍රී ලංකා මුස්ලිම් කොංග්‍රසයේ නායක අමාත්‍ය රවුෆ් හකීම් මහතා පවසයි.
ඔහු ඒ බව ප්‍රකාශ කළේ, ඊයේ පැවැති ශ්‍රී ලංකා මුස්ලිම් කොංග්‍රසයේ නිර්මාතෘ එම්.එච්.එම්.අෂ්රොෆ් මහතාගේ 12 වැනි ගුණසමරු උත්සවයෙන් අනතුරුව මාධ්‍ය වෙත අදහස් දක්වමිනි.
ඒ අතර අප කළ විමසීමකදී එක්සත් ජනතා නිදහස් සන්ධාන මහලේකම් අමාත්‍ය සුසිල් ප්‍රේමජයන්ත මහතා පැවසුවේ, මැතිවරණය පැවැති පළාත් සභාවල ප්‍රධාන අමාත්‍යවරුන් කවුරුන් ද යන්න පිළිබඳව මෙතෙක් අවසන් තීරණයකට එළැඹ නොමැති බවයි.
කෙසේ වෙතත් කඩිනමින් අවසන් තීරණයකට එළැඹෙන බව ද අමාත්‍යවරයා ප්‍රකාශ කළේය.
නැගෙනහිර පළාත් සභාවේ බලය පිහිටුවීම පිළිබඳව ඊට අදාළ පාර්ශ්ව සමග තවදුරටත් සාකච්ඡා පවත්වන බව ද ඔහු කියා සිටියේය.
No comments:
Post a Comment